Viðar Örn Kjartansson, knattspyrnumaður frá Selfossi, er kominn til liðs við tyrkneska úrvalsdeildarliðið Yeni Malatyaspor í láni frá Rostov í Rússlandi. Þetta kemur fram á fotbolti.net.
Viðar var fyrri hluta tímabilsins í láni hjá Rubin Kazan í rússnesku úrvalsdeildinni en fyrri hluta ársins 2019 var hann í láni hjá Hammarby í Svíþjóð.
Yeni Malatyaspor er frá borginni Malatya í austurhluta Tyrklands, ekki langt frá landamærunum við Sýrland. Félagið er ungt, stofnað árið 1986, og lék í fyrsta skipti í úrvalsdeildinni tímabilið 2017-'18. Það komst í undankeppni Evrópudeildarinnar síðasta sumar en náði ekki inn í riðlakeppnina þar.
Félagið hefur jafnframt staðfest komu Viðars:
✅ İzlandalı forvet Vidar Örn Kjartansson’u renklerimize bağladık.
— BtcTurk Yeni Malatyaspor (@YMSkulubu) January 27, 2020
FC Rostov takımından transfer ettiğimiz milli futbolcu Vidar Örn Kjartansson ile artı bir yıl opsiyonlu olmak üzere 6 aylık kiralık sözleşme imzaladık. pic.twitter.com/sxIrSWpizS