Leikjum frestað hjá Berglindi og Emil

Hvorki Berglind Björg Þorvaldsdóttir né Emil Hallfreðsson gátu spilað í ítalska fótboltanum í dag en leikjum liða þeirra var frestað vegna kórónuveirunnar.

Berglind átti að leika með AC Milan gegn Fiorentina í seinni viðureign liðanna í átta liða úrslitum ítölsku bikarkeppninnar en þeim leik hefur verið frestað.

Emil átti að spila með Padova gegn Ravenna á útivelli í ítölsku C-deildinni en sá leikur hefur verið settur á að nýju 18. mars.

Þetta er í annað sinn sem leikjum liða þeirra er frestað en sama var að segja um leiki hjá AC Milan og Padova sem áttu að fara fram um síðustu helgi.

• Blogga um frétt