Gianni Infantino, forseti Alþjóða knattspyrnusambandsins, FIFA, segir að fótboltinn verði allt öðruvísi en áður þegar hann fer loksins af stað á nýjan leik eftir að kórónuveiran hefur gengið skeið sitt á enda.
„Fótboltinn snýr aftur og þegar það gerist munum við fagna því að martröðin sé að baki,“ sagði Infantino í viðtali við ítölsku fréttastofuna ANSA.
„Við höfum samt örugglega báðir áttað okkur á einu, fótboltinn sem við sjáum þegar veiran er að baki verður allt öðruvísi, innihaldsríkari, þjóðfélagsvænni og sterkari stuðningsaðili, bæði hvað varðar einstök lönd og á heimsvísu — hrokinn verður minni og umhyggjan meiri. Við verðum betri sjálfir, mannlegri og kunnum betur að meta þau gildi sem skipta mestu máli,“ sagði Infantino.
Í síðustu viku sagði hann í viðtali við Gazzetta dello Sport á Ítalíu að það væri kominn tími til að taka skref til baka og endurbyggja íþróttina því dagskrá hennar væri orðin of þétt og fjárráðin væru komin í heldur örfárra útvalinna félaga. Mótum gæti fækkað en þau orðið áhugaverðari, leikir yrði færri til að gæta að heilbrigði leikmannanna.