Glódís Perla Viggósdóttir landsliðskona í knattspyrnu hefur framlengt samning sinn við sænska félagið Rosengård og mun hún spila með liðinu til ársins 2022.
Félagið sagði frá fregnunum á samfélagsmiðlum sínum í morgun og er þar haft eftir Glódísi að hún sé full tilhlökkunar fyrir komandi verkefnum með Rosengård sem tekur þátt í Meistaradeild Evrópu á næstu leiktíð.
Glódís gekk til liðs við Rosengård árið 2017 og kom þá frá Eskilstuna. Hún er fædd árið 1995 og hóf meistaraflokks ferilinn með HK/Víkingi í 1. deildinni árið 2009. Hún hefur spilað 84 landsleiki og skorað í þeim sex mörk en hún var valin í úrvalslið sænsku úrvalsdeildarinnar fyrir árið 2019 er Glódís og samherjar hennar í Rosengård urðu sænskir meistarar. Þá var hún í hópi tíu efstu í kjörinu á íþróttamanni ársins á Íslandi 2019.
She’s here to STAY! 💥🤩👸🏼
— FC Rosengård (@FCRosengard) July 8, 2020
”Det blir ett spännande år för oss med Damallsvenskan och Champions league och jag ser fram emot att ta mig an utmaningen tillsammans med laget.” - Viggósdottir
🔴🔵 #viärFCR pic.twitter.com/lTUrPuErC7