Wesley Sneijder, fyrrverandi landsliðsmaður Hollands í fótbolta, íhugar nú að taka skóna af hillunni og snúa aftur en hann hætti síðasta vetur.
Sneijder er 36 ára gamall og byrjaði hann feril sinn hjá Ajax árið 2002. Hann lék með liðum á borð við Real Madríd, Inter, Galatasaray og Nice. Hann varð spænskur meistari með Real árið 2008. Hann var síðast á mála hjá Al-Gharafa í Katar en hefur nú byrjað að æfa með áhugamannaliði DHSC í heimalandinu.
Liðið er staðsett í heimabæ hans, Utrecht, og samkvæmt heimildum staðarblaðs þar íhugar kappinn að gera samning við FC Utrecht fyrir næstu leiktíð.
Sneijder valinn næstbesti leikmaður heimsmeistaramótsins 2010, er Holland hafnaði í öðru sæti. Sneijder lék 134 landsleiki fyrir Holland og er hann leikjahæsti landsliðsmaður þjóðarinnar frá upphafi.