Sveinn Aron Guðjohnsen og samherjar hans hjá Spezia á Ítalíu eru einum leik frá sæti í A-deildinni þar í landi eftir 3:1-sigur á Chievo Verona í undanúrslitum umspils B-deildarinnar.
Sveinn Aron var allan tímann á varamannabekk Spezia, sem tapaði fyrri leiknum á útivelli, 2:0. Urðu samanlagðar lokatölur því 3:1, en Spezia fer áfram þar sem liðið hafnaði fyrir ofan Chievo Verona í deildinni.
Spezia mætir annað hvort Pordenone eða Frosinone í hreinum úrslitaleik um sæti í efstu deild, en þau mætast annað kvöld.