Liverpool tapaði sínum fyrsta leik á tímabilinu í Meistaradeild Evrópu í knattspyrnu gegn Atalanta á Anfield í gær.
Leiknum lauk með 2:0-sigri Atalanta sem var sterkari aðilinn frá fyrstu mínútu og Liverpool komst einhvernvegin aldrei í takt við leikinn.
Fyrir leik gærkvöldsins var Liverpool í efsta sæti D-riðils með 9 stig eða fullt hús stiga eftir fyrstu þrjár umferðir riðlakeppninnar.
Liverpool hefur verið svo gott sem ósigrandi á Anfield í stjóratíð Jürgen Klopp sem tók við liðinu í október 2015 af Brendan Rodgers.
Tapið í gær var það stærsta á heimavelli Liverpool síðan Klopp tók við. Þá átti Liverpool ekki skot á markið og er það í fyrsta sinn sem það gerist síðan tölfræðifyrirtækið Opta hóf mælingar, tímabilið 2003-04.
Þrátt fyrir tapið er Liverpool áfram í þægilegri stöðu í D-riðli en liðið er með tveggja stiga forskot á Atalanta og Ajax sem eiga eftir að mætast þegar tvær umferðir eru eftir af riðlakeppninni.
2 - Liverpool lost a competitive home match by a margin of more than one goal for the first time in 137 matches at Anfield under Jürgen Klopp, with this their heaviest such defeat since August 2015 in the Premier League against West Ham under Brendan Rodgers (0-3). Anomaly. pic.twitter.com/78YKokJE9A
— OptaJoe (@OptaJoe) November 25, 2020
0 - For the first time since Opta have shot data available in the Champions League (since 2003-04), Liverpool failed to record a single shot on target in a home game in the competition. Neutralised. pic.twitter.com/NEdXaF519J
— OptaJoe (@OptaJoe) November 25, 2020