Knattspyrnugoðsögnin Diego Armando Maradona lést á heimili sínu í Tigre í Argentínu í gær en það voru argentínskir fjölmiðlar sem greindu fyrst frá andláti hans.
Maradona var sextugur að aldri þegar hann lést en hann er af mörgum talinn besti knattspyrnumaður sögunnar.
Hann lék með liðum á borð við Boca Juniors, Barcelona og Napoli á ferli sínum og þá var hann fyrirliði Argentínu þegar liðið varð heimsmeistari árið 1986 í Mexíkó.
Maradona sló rækilega í gegn í Mexíkó en hann átti þátt í samtals tíu mörkum á heimsmeistaramótinu. Hann skoraði fimm og lagði upp önnur fimm.
Enginn leikmaður í sögunni hefur komið að fleiri mörkum á heimsmeistaramótinu í knattspyrnu en þjóðarsorg ríkir í Argentínu eftir fráfall kappans.
10 - Diego Maradona was involved in 10 goals at the 1986 World Cup (5 goals, 5 assists), no player has been involved in as many goals in a single men's World Cup since. Greatest. pic.twitter.com/GxXKga57oP
— OptaJoe (@OptaJoe) November 25, 2020