Franski fram­herj­inn Karim Benzema sem leik­ur með Real Madrid verður leiddur fyrir rétt í tengslum við fjárkúgunartilraun gagnvart fyrrverandi félaga hans í franska landsliðinu, Mathieu Valbuena, að sögn saksóknara í Frakklandi.

Benzema, sem er 33 ára gamall, hefur ekki verið valinn í landsliðið frá því málið kom upp árið 2015. Reynt var að kúga fé út úr Val­bu­ena með því að hóta dreif­ingu á kyn­lífs­mynd­bandi þar sem leikmaður­inn kom fyr­ir. Benzema lét Val­bu­ena vita um til­vist mynd­bands­ins sím­leiðis og þá var talið er hann væri viðriðinn málið.

Karim Benzema leiddur út af lögreglu úr réttarsalnum í Marseille árið 2015. AFP

Benzema hefur haldið því fram að lögreglumaður hafi beitt óheiðarlegum vinnubrögðum til að tengja hann við málið. 

Valbuena spilar með gríska liðinu Olympiacos í dag. Þeir Benzema voru félagar á þeim tíma sem málið kom upp og léku báðir í landsliðinu á HM í Brasilíu 2014.  Hvorugur þeirra var valinn í liðið fyrir EM 2016 er Frakkar töpuðu úrslitaleiknum á móti Portúgal.

Karim Benzema. AFP

Tengdar fréttir

Karim Benzema í vanda

Segir Benzema saklausan

• Benzema fer ekki á EM í sumar
• Benzema má snúa aftur í landsliðið
• Benzema í banni hjá franska landsliðinu
• „Þetta er allt stór misskilningur“

» Fleiri tengdar fréttir

• Blogga um frétt