Knattspyrnustjórinn Massimiliano Allegri þykir líklegastur til þess að taka við liði Real Madrid í sumar. Það er spænski miðillinn Marca sem greinir frá þessu.
Um helgina bárust fréttir af því að Zinedine Zidane, núverandi stjóri liðsins, yrði ekki áfram í herbúðum félagsins á næstu leiktíð.
Allegri, sem er 53 ára gamall Ítali, hefur verið án starfs síðan hann lét af störfum hjá Juventus eftir keppnistímabilið 2018-19.
Hann gerði Juventus fimm sinnum að Ítalíumeisturum á tíma sínum í Tórínó og fjórum sinnum að bikarmeisturum.
Þá lék Juventus tvívegis í úrslitum Meistaradeildarinnar undir stjórn Allegris en tapaði í bæði skiptin, fyrir Barcelona 2015 í Berlín og Real Madrid 2017 í Cardiff.