Padova vann í kvöld 1:0-útisigur á Avellino í seinni leik liðanna í undanúrslitum um sæti í ítölsku B-deildinni í fótbolta. Fyrri leikurinn endaði með 1:1-jafntefli og vinnur Padova því einvígið 2:1.
Emil Hallfreðsson lék allan leikinn með Padova á miðjunni en hann hefur verið í lykilhlutverki hjá liðinu á leiktíðinni.
Emil og félagar mæta annað hvort Alessandria eða AlbinoLeffe í úrslitum um sæti í næstefstu deild.