Mats Hummels, miðvörður þýska landsliðsins í knattspyrnu, varð fyrir því óláni að skora sjálfsmark sem reyndist sigurmark Frakklands í leik liðanna í F-riðli Evrópumótsins í knattspyrnu karla á þriðjudagskvöld.

Um var að ræða eina mark leiksins og greindi Hummels frá því á blaðamannafundi í gær að sonur hans, sem er þriggja ára, hafi fagnað sjálfsmarkinu.

„Sem betur fer veit hann ekki enn þá hvað sjálfsmark er. Hann hugsar með sér að ef boltinn fer í markið sé það alltaf rétt. Mér var sagt að hann hafi fagnað. Ég verð líklega að kenna honum hvernig þetta virkar,“ sagði Hummels.

Þýskaland mætir Portúgal í annarri umferð F-riðilsins klukkan 16 í dag.

Tengdar fréttir

EM í fótbolta 2021

„Fyrsta merkið um hamingju“

• Lætur kynþáttaníð ekki brjóta sig niður
• Allt þetta „kemur heim“-dæmi hvatti okkur til dáða
• Hatrið mun aldrei sigra
• Schick skoraði fallegasta mark keppninnar

» Fleiri tengdar fréttir

• Blogga um frétt