Úkraínski knattspyrnustjórinn Andriy Shevchenko er hættur þjálfun landsliðs þjóðar sinnar. Samningur Shevchenko við úkraínska knattspyrnusambandið rann út í dag og verður ekki framlengdur.
Shevchenko hefur stýrt úkraínska liðinu síðustu fimm árin með ágætum árangri. Hann fór með liðið alla leið í átta liða úrslit Evrópumótsins í sumar, þar sem liðið tapaði fyrir Englandi.
Framherjinn fyrrverandi er einn allra besti leikmaður Úkraínu frá upphafi en hann skoraði á sínum tíma 48 mörk í 111 landsleikjum. Þá lék hann m.a. með AC Milan og Chelsea á farsælum ferli.