Danski knattspyrnumaðurinn Christian Eriksen mætti í dag í sitt fyrsta viðtal eftir að hann fór í hjartastopp í leik Danmerkur og Finnlands í úrslitakeppni Evrópumótsins á Parken í Kaupmannahöfn síðasta sumar.
Brot úr viðtali við Eriksen hefur verið birt á vef Danmarks Radio og Eriksen birti það á Twitter í dag.
„Á ríkissjúkrahúsinu var komið aftur og aftur til mín og sagt að það væru komin meiri og meiri blóm. Það var svolítið skrýtið að fá blóm fyrir að vera dauður í fimm mínútur! Þetta var mjög sérstakt, mjög sérstakt, en fallegt að fólk vildi senda mér svona margar batakveðjur," sagði Eriksen m.a. í viðtalinu.
Eriksen hefur æft sjálfur af fullum krafti í Sviss að undanförnu og umboðsmaður hans sagði á dögunum að það kynni að vera stutt í að hann semdi við félag á nýjan leik. Samningi Eriksens við Inter Mílanó var rift en hann má ekki spila á Ítalíu samkvæmt reglum þar eftir að hafa fengið ígræddan gangráð.
Brot úr viðtalinu má sjá hér fyrir neðan:
It’s been a while.
— Christian Eriksen (@ChrisEriksen8) January 4, 2022
I hope this video explains how I feel towards all the messages, letters, mails, flowers, thoughts and everything else I’ve got!
Thank you for all the ❤️ pic.twitter.com/0uvmvsn5D8