Frá Noregi til Svíþjóðar?

Knattspyrnumaðurinn Davíð Kristján Ólafsson er að ganga til liðs við sænska úrvalsdeildarfélagið Kalmar. Það er fótbolti.net sem greinir frá þessu.

Davíð, sem er 26 ára gamall, er samningsbundinn Aalesund í Noregi en hann hefur leikið með liðinu frá árinu 2019.

Bakvörðurinn er uppalinn hjá Breiðabliki en hann lagði upp sjö mörk í norsku B-deildinni á nýliðinni leiktíð þegar Aalesund tryggði sér sæti í efstu deild.

Samningur Davíðs við Aalesund rann út um áramótin og honum var því frjálst að ræða við önnur lið. 

Kalmar hafnaði í sjötta sæti sænsku úrvalsdeildarinnar á síðustu leiktíð en fótbolti.net greinir frá því að félög á  Norðurlöndunum og í Póllandi hafi sýnt leikmanninum mikinn áhuga.

• Blogga um frétt