Knattspyrnusamband Afríkuþjóðarinnar Síerra Leóne, SLFA, rannsakar nú tvö afar grunsamleg úrslit í næstefstu deild þar í landi þar sem þykir ljóst að hagræðing hafi átt sér stað.
Öðrum leiknum lauk með 95:0-sigri Kahunla Rangers á Lumbebu United og Gulf FC hafði svo betur gegn Koquima Lebanon, 91:1.
Slík úrslit teljast seint eðlileg í knattspyrnu.
Viðureignirnar voru hluti af umspili um laust sæti í úrvalsdeildinni í Síerra Leóne en bæði úrslit hafa verið dæmd ógild vegna gruns um hagræðingu þeirra.
Staðan í hálfleik í fyrrnefnda leiknum var aðeins 2:0 í hálfleik og í hinum var staðan 7:1 í leikhléi.
„Við getum ekki staðið aðgerðalaus hjá og sleppt því að refsa fyrir þessa vandræðalegu stöðu. Við setjum rannsókn tafarlaust á fót til þess að finna alla þá sem bera ábyrgð á þessari meðalmennsku.
Allir sem verða fundnir sekir verður refsað í samræmi við reglur SLFA og verður einnig framvísað til andspillingarnefndar landsins,“ sagði Thomas Daddy Brima, forseti SLFA, í samtali við BBC Sport.