Úrúgvæski knattspyrnumaðurinn Luis Suárez hefur skrifað undir tveggja ára samning við brasilíska félagið Gremio.
Suárez, sem er 35 ára, lék síðast með Nacional í heimalandinu og varð úrúgvæskur meistari, áður en hann yfirgaf félagið. Gremio verður nýliði í efstu deild á næstu leiktíð, eftir eitt ár í B-deildinni.
Suárez varð að stjörnu hjá Liverpool á sínum tíma og átti einnig góðu gengi að fagna hjá Barcelona og Atlético Madrid á Spáni. Þá hefur hann um langt skeið verið lykilmaður hjá landsliði þjóðar sinnar.