Knattspyrnumaðurinn Andri Lucas Guðjohnsen skrifaði í dag undir þriggja ára samning við danska félagið Lyngby. Hann hefur verið að láni hjá Lyngby frá Norrköping í Svíþjóð á yfirstandandi tímabili.
Félögin komust að samkomulagi um kaupverð á Andra og í kjölfarið skrifaði hann undir samninginn.
Andri hefur leikið mjög vel hjá Lyngby á tímabilinu og skorað tíu mörk í 21 leik í dönsku úrvalsdeildinni. Er hann markahæstur í liðinu.
Sóknarmaðurinn er nú samningsbundinn danska félaginu til ársins 2027.
„Lyngby er fjölskylda mín og heimili. Ég mæti brosandi á hverjum degi og fer brosandi heim og það skiptir miklu máli,“ var m.a. haft eftir Andra á heimasíðu félagsins.
ANDRI GUDJOHNSEN ER KONGEBLÅ 💙✍️
— Lyngby Boldklub (@LyngbyBoldklub) April 17, 2024
Det er med stor glæde, at vi kan offentliggøre, at vi har indløst Andri Gudjohnsens frikøbsklausul og skrevet en 3-årig aftale med vores stærke topscorer 💪
Læs meget mere her: https://t.co/A8BqgTGo9q
Andri Gudjohnsen præsenteres af Sjölin… pic.twitter.com/VeJxa3eutB