Tvö mörk Orra ekki nóg
Setja bókamerki
Orri Steinn Óskarsson skoraði tvívegis fyrir FC Köbenhavn gegn AGF í dönsku úrvalsdeildinni í knattspyrnu í kvöld en það dugði ekki til og lið hans er úr leik í slagnum um danska meistaratitilinn.
FCK sótti AGF heim til Árósa og þurfti í það minnsta stig til að eiga von um meistaratitilinn í lokaumferðinni.
Orri skoraði fyrsta mark leiksins á 13. mínútu en forystan varði ekki lengi því Mikael Anderson, félagi hans úr íslenska landsliðinu, lagði up mark fyrir Emil Madsen tveimur mínútum síðar.
Madsen skoraði síðan tvívegis í viðbót fyrir hlé og staðan var orðin 3:1 fyrir AGF. Orri skoraði annað mark sitt og FCK á 79. mínútu, 3:2, en þar við sat og Mikael og samherjar hans fögnuðu sigri.
Í lokaumferðinni munu því Bröndby og Midtjylland heyja einvígi um meistaratitilinn en þau eru bæði með 62 stig og FC Köbenhavn er með 58 stig í þriðja sætinu. FCK mun leika hreinan úrslitaleik um þriðja sætið við Nordsjælland sem er einu stigi neðar.
Þeir Orri og Mikael léku báðir allan leikinn með liðum sínum í dag.
Ísland verði ekki að „fyrirheitnu landi hælisleitenda“
Gerbreytt staða hælisleitarmála
Hinn almenni Íslendingur tengi ekki við flokkinn í dag
Dómari telur að Daði hafi logið
Mun lækka fasteignaverð þrátt fyrir hærra lóðaverð
Fluttur á Hólmheiði af öryggisástæðum
„Bryndís Klara er dóttir mín“
„Í næsta mánuði fékk ég uppsagnarbréf“