Cecilía Rán Rúnarsdóttir og samherjar hennar hjá Inter Mílanó unnu stórsigur á Sampdoria, 5:0, á heimavelli í fyrstu umferð ítölsku A-deildarinnar í fótbolta í kvöld.
Cecilía lék sinn fyrsta deildarleik með Inter í leiknum, en hún er að láni hjá félaginu frá Bayern München í Þýskalandi. Hún hefur mikið glímt við meiðsli undanfarin ár, en er komin á fullt á ný.
Íslenska landsliðskonan horfði á fimm mismundandi liðsfélaga skora í dag því þær Beatrice Merlo, Annamaria Serturini, Michela Cambiaghi, Lina Magull og Elisa Polli gerðu mörk liðsins.