Kristall lagði upp í sigri

Kristall Máni Ingason lagði upp fyrsta mark Sønderjyske í 2:1-sigri liðsins gegn Vejle í dag.  

Sønderjyske komst yfir á 27. mínútu en Kristall átti góða hornspyrnu sem fann pönnuna á Lirim Qamili sem stangaði boltann í netið.  

Á 74. mínútu jafnaði Yeni N’Gbakoto metin fyrir Vejle. Sigurmark Sønderjyske kom á sjöundu mínútu uppbótartíma en Marc Dal Hende skoraði það.  

Daníel Leó Grétarsson spilaði allan leikinn fyrir Sønderjyske og Kristall spilaði fyrstu 81 mínúturnar.  

Sønderjyske situr í 10. sæti deildarinnar með átta stig.   

• Blogga um frétt