Napoli fór á toppinn í ítölsku A-deildinni í knattspyrnu eftir 2:0-sigur gegn Monza í dag.
Matteo Politano kom Napoli yfir á 22. mínútu. 11 mínútum síðar tvöfaldaði Khvicha Kvaratskhelia forystu Napoli eftir stoðsendingu frá Scott McTominay.
Mörkin urðu ekki fleiri í leiknum og er Napoli á toppi deildarinnar með 13 stig eftir sex umferðir.
Fiorentina gerði markalaust jafntefli gegn Empoli í ítölsku A-deildinni dag. Albert Guðmundsson var í fyrsta skipti í byrjunarliði Fiorentina og spilaði fyrstu 71 mínútu leiksins.
Fiorentina er í 11. sæti deildarinnar með sjö stig eftir sex leiki.