Þórir furðulostinn á ákvörðun sambandsins
Setja bókamerki
Þórir Hergeirsson er mjög ósáttur við ákvörðun evrópska handknattleikssambandsins um að leyfa Norðmönnum ekki að skilja tvo leikmenn eftir heima og taka í stað afrit af vegabréfum þeirra með á Evrópumótið í handknattleik.
Leikmennirnir Kristina Sirum Novak og Maja Furu Sæteren eru varamenn í norska landsliðshópnum en sambandið þarlendis ákvað að skilja þær tvær eftir til að spara pening.
Lögðu þær fram afrit af vegabréfum sínum, sem norska handknattleikssambandið hélt að væri gott og gilt. Hins vegar tók evrópska handknattleikssambandið það ekki í mál.
Skil þetta ekki
Í samtali við NRK segist Þórir ekki skilja ákvörðun evrópska handknattleikssambandsins.
„Við áttum okkur ekki á ákvörðuninni. Það stendur ekkert um þetta í reglugerðinni sem við fengum.
Þar stendur að þú getir skráð allt að tuttugu leikmenn á skýrslu, en ekkert um að leikmaðurinn verði að vera viðstaddur og skila inn vegabréfi. Sambandið fékk vegabréfin rafrænt og það ætti ekki að skipta því neinu máli hvar leikmennirnir eru.
Ég bara skil þetta ekki,“ sagði Þórir.
Norska landsliðið vann Slóveníu í fyrsta leik sínum í Innsbruck í gær.
Björgunarsveitir í startholunum á kjördag
Þyrlan sótti annan í bakaleiðinni
Þyrlan kölluð út: Slasaðist á Kötlujökli
„Erum mjög áhyggjufull“
„Hún er jafnvel fegurri en áður“
Teknir með kókaín í nokkru magni
Verulegur skortur á íbúðarhúsnæði blasi við
