Hlauparar létu veðrið ekki stöðva sig
Við rásmarkið í kvöld. Fólk mætti vel búið og lét veðrið ekki stoppa sig.
Ljósmynd/Aðsend
Setja bókamerki
Alls 380 hlauparar tóku þátt í fyrsta hlaupi ársins í hlaupaseríu FH og Bose í Hafnarfirði í kvöld. Hlaupararnir þurftu sannarlega að taka á honum stóra sínum, enda voru aðstæður mjög erfiðar, hríðarveður á köflum og víða nokkuð hált á hlaupaleiðinni.
Þátttakendur fóru fimm kílómetra leið frá íþróttahúsinu við Strandgötu, meðfram strandlengjunni og Norðurbakkanum. Síðan var snúið við á Herjólfsgötu og hlaupið til baka.
Ingvar Hjartarson og Andrea Kolbeinsdóttir fóru fimm kílómetrana hraðast í kvöld.
Ljósmynd/Aðsend
Í karlaflokki sigraði Ingvar Hjartarson á tímanum 17:41, í öðru sæti varð Þórólfur Ingi Þórsson á 17:47 og þriðji varð Adrian Graczyk á 17:55.
Andrea Kolbeinsdóttir sigraði í kvennaflokki á tímanum 19:35, Verena Schnurbus var í öðru sæti á 20:11 og Arndís Ýr Hafþórsdóttir þriðja á 20:56 mín.
Aðstæðurnar voru krefjandi í Hafnarfirði í kvöld.
Ljósmynd/Aðsend
Jón Ragnar Jónsson, söngvari og hlaupari, kom fjórði í mark í karlaflokki.
Ljósmynd/Aðsend
Á spretti.
Ljósmynd/Aðsend
„Skýr skilaboð til Seðlabankans“
Vélsleðaslys: Þyrlan kölluð út á mesta forgangi
Tveir í bílnum sem lenti utan vegar
Vona að Orkustofnun veiti ekki virkjunarleyfi
Hernaðaraðstoð samþykkt – Vopnasendingar í vikunni
„Hvílir mikil leynd yfir þessu öllu“
„Það þarf að vinna mikinn fjölda upp“
„Okkur miðar í rétta átt“