Skipuleggjendur Wimbledon-mótsins, elsta og þekktasta risamótsins í tennis, munu fá rúmlega 20 milljarða króna úr tryggingum eftir að hafa þurft að aflýsa mótinu vegna kórónuveirufaraldursins. Forbes greinir frá þessu.

All England Club, tennisklúbburinn sem skipuleggur mótið, hefur síðustu 17 ár greitt um tvær milljónir dala (tæplega 290 milljónir króna) árlega í svokallaða heimsfaraldurstryggingu, sem tryggir klúbbinn fyrir tapi þurfi að aflýsa mótinu af þeim sökum.

Frétt af mbl.is

Slegið af í fyrsta sinn síðan í stríðinu

Til stóð að mótið hæfist í lok júní, venju samkvæmt, en mótinu var aflýst í byrjun mánaðar vegna heimsfaraldurs kórónuveirunnar. Mótið hefur verið haldið árlega frá árinu 1877, en síðast þurfti að aflýsa því er seinni heimsstyrjöldin geisaði. Áætlanir gerðu ráð fyrir að tekjur af mótinu næmu um 45 milljörðum króna, en þar af fara 6 milljarðar í verðlaunafé. Er því ljóst að tryggingin dekkar stærstan hluta af tapi mótshaldara.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt