Stefán Númi Stefánsson og liðsfélagar hans í þýska ruðningsliðinu Potsdam Royals eru enn með fullt hús stiga á toppi norðurhluta efstu deildar þar í landi eftir 50:24-heimasigur á Köln Crocodiles í gær.
Potsdam-liðið hefur farið afar vel af stað í deildinni og unnið alla sjö leiki sína, skorað 364 stig og fengið á sig 198. Stefán leikur sem sóknarlínumaður og er hans hlutverk á vellinum að vernda leikstjórnanda síns liðs.
Deildinni er skipti í norður- og suðurhluta og fara fjögur efstu lið hvors hluta í átta liða úrslit, þar sem keppt er um þýska meistaratitilinn.
Með sigrinum í gær náði Potsdam fjögurra stiga forskoti á toppi norðurhlutans.