Nú eru tveir keppendur eftir í Bakgarðs Náttúruhlaupinu í Heiðmörk, það eru þau Marlena Radziszewska og Kristján Svanur Eymundsson. Hlaupa þau núna sinn 28. hring.
Í Bakgarðshlaupinu hlaupa þátttakendur 6,7 kílómetra hring á hverjum klukkutíma og er hver hringur ræstur á heila tímanum. Sá sem hleypur flesta hringi stendur uppi sem sigurvegari en hann er sá eini sem klárar hlaupið.
Hlaupið var ræst klukkan níu um morgun í gær. Hafa keppendurnir tveir því nú verið á hlaupum í rúman sólarhring.
Sif Sumarliðadóttir hafnaði í þriðja sæti en hún kláraði 26. hringinn og hljóp því 174,3 kílómetra.