Atvinnukylfingurinn Ólafía Þórunn Kristinsdóttir lék gríðarlega vel á þriðja og síðasta hringnum á Pure Silk-mótinu í golfi í LPGA-mótaröðinni á Bahamaeyjum í dag. Hún lék á 68 höggum, fimm höggum undir pari og var á meðal bestu kylfinga dagsins á mótinu.
Örfáir kylfingar hafa náð betri hring á mótinu en Ólafía náði í dag. Hún hefði verið í mikilli toppbaráttu, hefði hún spilað alla þrjá hringina líkt og í dag. Ólafía lék hins vegar fyrsta hringinn á 77 höggum og hring tvö á 73 höggum.
Nokkrir kylfingar eiga eftir að ljúka leik í dag, en þegar fréttin er skrifuð er Ólafía í 24.-30. sæti, en hún var nálægt 100. sæti um tíma í gær og á níu höggum yfir pari. Það er því magnað að hún hafi endaði undir pari vallarins á mótinu.