Tiger Woods fataðist lítillega flugið á Arnold Palmer-boðsmótinu sem haldið er á Bay Hill-vellinum í Flórída.
Tiger fór annan hringinn á pari, 72 höggum eftir að hafa farið fyrsta hringinn á fjórum höggum undir pari. Er Tiger því í 17.-24. sæti.
Svíinn Henrik Stenson og Bryson DeChambeau frá Bandaríkjunum eru efstir á -11.
Tiger hefur átta sinnum borið sigur úr býtum á þessu móti en hann hefur verið að leika sitt besta golf í langan tíma þessa dagana og hafnaði m.a. 2.-3. sæti á Valspar Championship-mótinu um síðustu helgi og náði þar sínum besta árangri á móti í PGA-mótaröðinni í langan tíma.