Axel Bóasson lék aftur á 72 höggum eða einu höggi yfir pari á öðrum hringnum á Barclays-mótinu í golfi í Kenía en þetta er fyrsta mótið í Áskorendamótaröðinni á þessu tímabili.
Axel er því samanlagt á tveimur höggum yfir pari eftir hringina tvo og það skýrist síðar í dag hvort hann komist í gegnum niðurskurðinn en margir kylfingar eiga eftir að ljúka leik í dag og þar á meðal er Birgir Leifur Hafþórsson sem hefur ekki hafið leik. Birgir lék á tveimur höggum yfir pari í gær. Niðurskurðarlínan miðast við parið eins og staðan er núna.
Axel fékk fjóra fugla á hringnum í dag, þrjá skolla, einn skramba og fékk par á tíu holum.