Birgir og Guðmundur úr leik

Birgir Leifur Hafþórsson og Guðmundur Ágúst Kristjánsson eru báðir úr leik eftir tvo hringi á Euram Bank Open-mótinu í golfi. Mótið er á Áskorendamótaröðinni. 

Guðmundur Ágúst var í fínni stöðu eftir fyrsta hringinn í gær, en hann lék þá á 68 höggum, tveimur höggum undir pari. Hann náði sér hins vegar engan vegin á strik í dag.

Guðmundur fékk fimm skolla og einn tvöfaldan skolla í hringnum í dag og lék á sjö höggum yfir pari. Hann hafnaði því í 113. sæti ásamt nokkrum öðrum kylfingum. 

Birgir Leifur lék mun stöðugra golf á hringjunum tveimur, en það dugði ekki til. Hann lék á einu höggi yfir pari í gær og á parinu í dag. Hann var tveimur höggum frá því að fara í gegnum niðurskurðinn og hafnaði í 83. sæti. 

• Blogga um frétt