Íslandsmeistarinn Guðmundur Ágúst Kristjánsson er úr leik á Dimension Data Pro Am-mótinu á Áskorendamótaröð Evrópu í golfi eftir slakan þriðja hring í Suður-Afríku í dag.
Guðmundur náði sér alls ekki á strik og lék á 81 höggi, átta höggum yfir pari. Hann var á parinu eftir fyrstu tvo dagana og lýkur því leik á samanlagt átta yfir og í 163. sæti.
Heimamaðurinn Christiaan Bezuidenhout er með forystu eftir hringina þrjá á samanlagt 20 höggum undir pari.
Ernie Els, sem þrívegis hefur unnið á risamóti, er úr leik, en hann lék samanlagt á sex höggum undir pari og var einu höggi frá því að komast í gegnum niðurskurðinn.