Tiger Woods liggur á sjúkrahúsi í Kaliforníu í Bandaríkjunum eftir bílslys í morgun, þar sem bifreið hans er sögð verulega skemmd. Hann var einn að keyra þegar slysið varð.
Samkvæmt tilkynningu frá lögreglunni í Los Angeles þurfti að fjarlægja Woods úr bílnum með klippum.
This morning @LMTLASD responded to a roll-over collision in which @TigerWoods was injured. Please see our statement... pic.twitter.com/cSWOxKZC1w
— LA County Sheriffs (@LASDHQ) February 23, 2021
Umboðsmaður Woods sagði Golf Digest að hinn fjörutíu og fimm ára kylfingur hafi verið fluttur á sjúkrahús með margvísleg meiðsli á fótum. Verið væri að framkvæma á honum aðgerðir.
Tiger Woods var handtekinn árið 2017 fyrir að keyra undir áhrifum fjölda ólíkra verkjalyfja. Þá keyrði hann út af án sömu alvarlegu afleiðinga og nú blasa við.
#BREAKING: Tiger Woods Injured in Single Car Crash in L.A., Extracted with Jaws of Life https://t.co/VxxstLPEnX
— TMZ (@TMZ) February 23, 2021