Karen Knútsdóttir, fyrirliði íslenska landsliðsins í handknattleik kvenna, hefur skrifað undir nýjan eins árs samning við franska liðið Nice. Þar með er ljóst að Karen er samningsbundin liðinu á frönsku rívíerunni fram á mitt næsta ár.
Karen hefur leikið með Nice, sem er í fjórða sæti A-deildar, frá sumrinu 2014. Þar áður var hún í eitt ár hjá SönderjyskE í Danmörku og í tvö keppnistímabil með Blomberg-Lippe í Þýskalandi.
Önnur íslensk landsliðskona, Arna Sif Pálsdóttir, leikur einnig með Nice.
Karen, sem er 25 ára gömul, sagði í samtali við Morgunblaðið í gær að hún væri ánægð með að hafa fast land undir fótum næsta árið.
Nánar í íþróttablaði Morgunblaðsins í dag.