Lærisveinar Kristjáns Andréssonar í sænska karlalandsliðinu í handbolta gerðu 29:29-jafntefli gegn Ungverjalandi í vináttuleik í dag. Leikurinn er liður í undirbúningi fyrir Evrópumótið í Króatíu sem hefst 12. janúar næstkomandi, en þá mæta Svíar einmitt Íslendingum.
Sænska liðið mætir því ungverska aftur á mánudaginn kemur. Frændþjóðir okkar í Danmörku og Noregi léku einnig vináttuleik í Danmörku í dag og höfðu Norðmenn betur, 27:25.
Frakkar lögðu svo Egypta í sínum undirbúningi, 33:23.