KA vann fyrsta leikinn

KA-menn fagna sigrinum á HK.
KA-menn fagna sigrinum á HK. Ljósmynd/@KAakureyri

KA sigraði HK, 24:20, í fyrsta úrslitaleik liðanna um sæti í úrvalsdeild karla í handknattleik sem fram fór í KA-heimilinu á Akureyri í gær. Staðan í hálfleik var 12:10, KA-mönnum í hag.

Færeyski landsliðsmaðurinn Aki Egilsens skoraði 10 mörk fyrir KA, Sigþór Árni Heimisson 4 og Jón Heiðar Sigurðsson 3. Hjá HK var Kristján Ottó Hjálmsson atkvæðamestur með 6 mörk og Ingi Rafn Róbertsson skoraði 4.

Annar leikur liðanna fer fram í Digranesi á þriðjudagskvöldið en þrjá leiki þarf til að vinna einvígið og hreppa úrvalsdeildarsætið.

mbl.is
Fleira áhugavert
Fleira áhugavert