Guðmundur og Patrekur orðaðir við Göppingen

Guðmundur Þórður Guðmundsson, landsliðsþjálfari karla í handknattleik, og Patrekur Jóhannesson, þjálfari karlaliðs Selfoss og austurríska karlalandsliðsins, eru meðal þeirra sem orðaðir eru við starf þjálfara þýska 1.deildarliðsins Göppingen. 

Patrekur Jóhannesson, þjálfari Selfoss og austurríska landsliðsins er orðaður við þjálfarastarfið hjá Göppingen í í Þýskalandi. mbl.is/Eggert Jóhannesson

Frá þessu er m.a. greint í Stuttgarter-Nachrichten. Göppingen er í leit að eftirmanni Rolf Brack sem var látinn taka pokann sinn á dögunum. Patrekur og Guðmundur Þórður eru sterklega orðaðir við starfið en einnig Juri Schevtsov, landsliðsþjálfari Hvít-Rússa og fyrrverandi þjálfari Tusem Essen og Markus Baur fyrrverandi landsliðsmaður Þýskalands og áður þjálfari Lemgo og Stuttgart.

• Blogga um frétt