Úrvalsliðin í fyrri hlutanum - Ásbjörn og Íris best
Setja bókamerki
Úrvalsliðin í fyrri hluta Olís-deildar karla og kvenna í handknattleik voru kunngjörð í kvöld, auk þess sem útnefndir voru bestu leikmenn, þjálfarar, varnarmenn og ungu leikmenn í deildum beggja kynja eftir fyrri hluta tímabilsins.
Ásbjörn Friðriksson, spilandi aðstoðarþjálfari FH, var útnefndur besti leikmaður fyrri hluta Olís-deildar karla á tímabilinu. Þjálfari hans og kollegi í þjálfarateymi FH, Halldór Jóhann Sigfússon, var valinn besti þjálfarinn. Hafþór Vignisson frá Akureyri handboltafélagi var útnefndur besti ungi leikmaðurinn og Alexander Örn Júlíusson úr Val besti varnarmaðurinn.
Íris Björk Símonardóttir, markvörður Vals, var útnefnd besti leikmaður fyrri hluta Olís-deildar kvenna á tímabilinu. Liðsfélagi hennar Anna Úrsúla Guðmundsdóttir var útnefnd besti varnarmaðurinn en Hrafnhildur Skúladóttir, þjálfari ÍBV, besti þjálfarinn. Þá var besti ungi leikmaðurinn valin Berglind Þorsteinsdóttir úr HK.
Úrvalsliðin eftir fyrri hluta tímabilsins í Olís-deildum karla og kvenna má sjá hér að neðan, en það er HSÍ sem stendur að valinu í samstarfi við Olís.
Lið fyrri hluta í Olís-deild karla
Markvörður: Daníel Freyr Andrésson, Valur
Vinstra horn: Dagur Gautason, KA
Vinstri skytta: Egill Magnússon, Stjarnan
Leikstjórnandi: Ásbjörn Friðriksson, FH
Hægri skytta: Árni Steinn Steinþórsson, Selfoss
Hægra horn: Birgir Már Birgisson, FH
Línumaður: Heimir Óli Heimisson, Haukar
Besti leikmaður: Ásbjörn Friðriksson, FH
Besti þjálfari: Halldór Jóhann Sigfússon, FH
Besti ungi leikmaðurinn: Hafþór Vignisson, Akureyri handboltafélag
Besti varnarmaður: Alexander Örn Júlíusson, Valur
Lið fyrri hluta í Olís-deild kvenna:
Markvörður: Íris Björk Símonardóttir, Valur
Vinstra horn: Turið Arge Samuelsen, Haukar
Vinstri skytta: Martha Hermannsdóttir, KA/Þór
Leikstjórnandi: Ester Óskarsdóttir, ÍBV
Hægri skytta: Þórey Anna Ásgeirsdóttir, Stjarnan
Hægra horn: Þórey Rósa Stefánsdóttir, Fram
Línumaður: Steinunn Björnsdóttir, Fram
Besti leikmaður: Íris Björk Símonardóttir, Valur
Besti þjálfari: Hrafnhildur Skúladóttir, ÍBV
Besti varnarmaður: Anna Úrsúla Guðmundsdóttir, Valur
Besti ungi leikmaðurinn: Berglind Þorsteinsdóttir, HK
Kvikan virðist nú skiptast til helminga
„Menn eru bara búnir að forgangsraða“
Sárt að horfa upp á illa meðferð fjármuna
Innviðir þandir og álagið „gríðarlegt“
Bjarkey stendur við skammarbréf Svandísar
Ekki byggt í takt við áform sveitarfélaga
Hægagangur og vaxandi ókyrrð