Sigvaldi Björn Guðjónsson og Þráinn Orri Jónsson fögnuðu í kvöld bikarmeistaratitlinum í norska handboltanum þegar lið þeirra Elverum vann öruggan sigur á Halden, 30:22, í úrslitaleik bikarkeppninnar.
Þráinn skoraði 4 mörk í leiknum og Sigvaldi tvö en Sigvaldi er á leið til móts við íslenska landsliðið sem er í lokaundirbúningi sínum fyrir heimsmeistaramótið sem hefst í Þýskalandi og Danmörku 10. janúar.
Sigurinn var kærkominn fyrir Elverum sem hafði þurft að bíða í níu ár frá síðasta bikarmeistaratitli og tapað tveimur síðustu úrslitaleikjum sínum í keppninni.