Íslands- og bikarmeistarar Vals mæta sænska liðinu Skuru í 1. umferð EHF-keppni kvenna í handknattleik en dráttur stendur nú yfir á Evrópumótunum í handbolta.
Landsliðskonan Eva Björk Davíðsdóttir gekk á dögunum til liðs við Skuru en liðið varð deildarmeistari á síðustu leiktíð og komst í úrslitaeinvígið um sænska meistaratitilinn þar sem liðið tapaði fyrir Sävehof 3:0.
Sigurliðið úr rimmu Vals og Skuru mætir rússneska liðinu Zvezda Zvenigorod í 2. umferðinni.