Alexander Petersson skoraði eitt mark fyrir Rhein-Neckar Löwen þegar liðið vann öruggan útisigur gegn Cuenca í EHF-bikarnum í handknattleik í dag. Leiknum lauk með 33:27-sigri Ljónanna en staðan var jöfn í hálfleik, 16:16.
Ýmir Örn Gíslason var ekki í leikmannahópi liðsins en þeir Andre Schmid, Uwe Gensheimer og Niclas Vest Kirkelökke skoruðu allir átta mörk hver fyrir Löwen. Rhein-Necker Löwen er með sex stig eða fullt hús stiga í efsta sæti B-riðils en þjálfarinn Kristján Andrésson var rekinn frá félaginu í gær.