ÍBV vann í kvöld sannfærandi heimasigur, 30:20, á ÍR í fyrsta leik liðanna í 1. umferð úrslitakeppninnar á Íslandsmóti kvenna í handbolta.
Eyjakonur byrjuðu með látum, komust í 7:2 og var staðan í hálfleik 17:12. ÍR-liðinu gekk illa að minnka muninn í seinni hálfleik og sannfærandi heimasigur varð raunin.
ÍBV getur því tryggt sér sæti í undanúrslitum með sigri í Breiðholtinu á mánudaginn kemur.
Elísa Elíasdóttir og Ásdís Guðmundsdóttir skoruðu sjö mörk hvor fyrir ÍBV og Marta Wawrzynkowska varði 15 skot í markinu.
Sara Dögg Hjaltadóttir skoraði fjögur fyrir ÍR og þær Sigrún Ása Ásgrímsdóttir og Sylvía Sigríður Jónsdóttir þrjú hvor.
ÍBV | 30:20 | ÍR |
Opna lýsingu ![]() ![]() |
![]() ![]() |
---|---|---|---|---|
60. mín. Vaka Líf Kristinsdóttir (ÍR) skoraði mark Vaka kemur gestunum í 20 mörkin. | ||||
Augnablik — sæki gögn... |