Handknattleiksmarkvörðurinn Arnór Freyr Stefánsson mun taka fram keppnisskóna á ný og ganga til liðs við uppeldisfélag sitt ÍR.
Arnór lék síðast með Stjörnunni leiktíðina 2022/2023 en lagði skóna á hilluna og varð markvarðaþjálfari hjá Stjörnuliðinu.
Hjá ÍR ætlar Arnór að vera þriðji markvörður og sinna þjálfun markvarða meistaraflokkanna beggja.
Arnór hefur leikið með ÍR, HK, Aftureldingu og Stjörnunni í efstu deild. Þá varð hann Íslandsmeistari með HK árið 2012.
Hann reyndir fyrir sér í atvinnumennsku um tveggja ára skeið, með Randers í Danmörku frá 2016 til 2018.