Serbneska dómaraparið Alekansder Pandzic og Ivan Mosorinski dæmir ekki fleiri alþjóðlega handboltaleiki vegna gruns um að þeir hafi hagrætt úrslitum.
Þeir Pandzic og Mosorinski eru efstir á blaði EFH, evrópska handknattleikssambandsins, yfir þá dómara sem taldir eru hafa haft áhrif á úrslit leikja gegn greiðslu. Óeðlileg veðmál á leiki sem Serbarnir dæmdu og sú staðreynd að hvorugur þeirra mætti til yfirheyrslu vegna málanna eru ástæðan fyrir því að þeir munu ekki dæma alþjóðlega leiki framar.
Samkvæmt frétt TV2 í Danmörku eru átta pör á listanum yfir dómara sem grunaðir eru um hagræðingu úrslita. 26 grunsamlegir leikir voru rannsakaðir en Pandzic og Mosorinski dæmdu átta af þeim.