Ægir Þór Steinarsson og samherjar hans í Regatas tryggðu sér í nótt sæti í átta liða úrslitunum um argentínska meistaratitilinn í körfuknattleik.
Regatas hafði betur gegn San Martin 128:124 í æsispennandi tvíframlengdum leik og Regatas vann þar með einvígið 3:1.
Ægir Þór, sem gekk í raðir Regatas eftir að Stjarnan féll úr leik í úrslitakeppni Dominos-deildarinnar, lék í 22 mínútur og skoraði 5 stig, tók 4 fráköst og gaf eina stoðsendingu í leiknum.