Minntust Kobe Bryants í leikjum næturinnar
Setja bókamerki
Átta leikir í NBA-deildinni í körfuknattleik fóru fram í gærkvöld og nótt, í skugga þyrluslyssins í Kaliforníu þar sem stórstjarnan Kobe Bryant lét lífið ásamt dóttur sinni og sjö öðrum.
Hans var minnst á öllum leikjunum og meðal annars létu leikmenn bæði San Antonio Spurs og Toronto Raptors 24 sekúndur líða án þess að nokkur hreyfði sig úr stað á vellinum, nema sá sem stóð og driplaði boltanum, þegar þau mættust í San Antonio.
Sama gerðu lið New Orleans Pelicans og Boston Celtics og í Madison Square Garden var Bryants minnst með mikilli myndasýningu fyrir leik New York Knicks og Brooklyn Nets.
Trae Young, leikmaður Atlanta Hawks, mætti í treyju númer 8 til leiks gegn Washington Wizards, til heiðurs Kobe Bryant sem var með það númer framan af ferlinum. Young skoraði 45 stig og átti 14 stoðsendingar í sigri Atlanta og sagði eftir leikinn: „Það var erfitt að spila körfubolta í dag. Ég votta Vanessu og Bryant-fjölskyldunni samúð mína. Ég vildi bara spila þennan leik fyrir hann.“
Trae Young var einn af uppáhaldsleikmönnum Giönnu Bryants, dóttur Kobe sem fórst í slysinu og höfðu þau feðginin farið saman sérstaklega til Atlanta til að horfa á hann spila í NBA-deildinni.
Úrslitin í nótt:
Atlanta - Washington 152:133
Memphis - Phoenix 114:109
New Orleans - Boston 123:108
New York - Brooklyn 110:97
Orlando - LA Clippers 97:112
Denver - Houston 117:110
San Antonio - Toronto 106:110
Portland - Indiana 139:129
Aukin tíðni þungunarrofa hjá yngsta aldurshópnum
Hjón sluppu með skrekkinn
Markaðurinn hitnar og leiguverð hækkar hratt
„Tíminn er runninn út fyrir Kristján Loftsson“
Innviðir þandir og álagið „gríðarlegt“
Stóraukið fé til samgöngusáttmála
Þrjú og hálft ár fyrir skotárás í Úlfarsárdal
„Þögnin er ærandi“