Spænska körfuknattleiksliðið Valencia hefur staðfest á heimasíðu sínni að Martin Hermannsson landsliðsmaður er að ganga til liðs við félagið. Fréttir af félagsskiptunum bárust í gær samkvæmt heimildum Eurohoops en félagið hefur nú staðfest skiptin.
Martin hefur skrifað undir tveggja ára samning við spænska liðið, með mögulega á einu ári til viðbótar. Valencia er eitt af stórliðunum í evrópskum körfubolta og hafnaði í tíunda sæti í Euroleague í vetur en Alba Berlín, lið Martins undanfarin tvö ár, hafnaði þar í sextánda sæti.
Liðið var í undanúrslitum um spænska meistaratitilinn á dögunum en tapaði þar naumlega , 75:73, fyrir Baskonia sem síðan vann Barcelona í úrslitaleiknum. Valencia hefur verið samfleytt í einu af sex efstu sætunum á Spáni frá 2009 og vann spænsku deildina árið 2017 en varð síðan í öðru sæti í úrslitakeppninni.
Jón Arnór Stefánsson lék með Valencia 2006-07 og aftur 2015-16 þar sem hann lauk sínum atvinnumannsferli. Tryggvi Snær Hlinason hóf sinn atvinnuferil þar og lék með liðinu 2017 til 2019. Þá er Hilmar Smári Henningsson á mála hjá Valencia og hefur spilað með varaliði félagsins.
🧡 ¡Bienvenido a la #FamiliaTaronja, @hermannsson15!
— Valencia Basket Club (@valenciabasket) July 10, 2020
Cas 👉 Valencia Basket alcanza un acuerdo con Martin Hermannsson para las 2 próximas temporadashttps://t.co/0d7LaMW4Z9
Val 👉 https://t.co/bqUTQdGCxg
Eng 👉 https://t.co/BCanALbInW#EActíVate
🤝 Colabora @Pinturas_Isaval pic.twitter.com/ZnM0dO8WlW