Mætir fyrrverandi liðsfélögum í úrslitum
Setja bókamerki
Miami Heat og Los Angeles Lakers mætast í úrslitaeinvígi NBA-deildarinnar í körfuknattleik en þetta varð ljóst eftir 125:113-sigur Miami gegn Boston Celtics í sjötta leik liðanna í úrslitaeinvígi Austurdeildarinnar í Disney World í Orlando í nótt.
Miami var með yfirhöndina í fyrri hálfleik og leiddi með tveimur stigum í hálfleik, 62:60. Boston tókst að hanga í Miami í þriðja leikhluta en Miami vann fjórða leikhluta með 10 stiga mun og þar við sat.
Bam Adebayo var stigahæstur í liði Miami með 32 stig og tólf fráköst. Þá skoraði Jimmy Butler 22 stig.
Jaylen Brown var stigahæstur með 26 stig hjá Boston og Jayson Tatum kom þar á eftir með 24 stig og ellefu stoðsendingar.
LeBron James, leikmaður Los Angeles Lakers, lék lengi vel með Miami Heat eða í fjögur ár. Hann varð tvívegis meistari með liðinu, 2012 og 2013.
Þetta er í sjötta sinn á síðustu fimmtán árum sem Miami Heat kemst í úrslitaeinvígi deildarinnar en ekkert lið hefur leikið oftar til úrslita á þeim tíma.
Úrslitaeinvígi Miami Heat og Los Angeles Lakers hefst á miðvikudaginn kemur.
Nauðgaði kærustu sinni og tók það upp
Sárt að horfa upp á illa meðferð fjármuna
„Búið að vera í dreifingu í einhvern tíma“
Bjarkey stendur við skammarbréf Svandísar
Færa slökkviliðið til nútímans
Mun fara sparlega með málskotsréttinn
Hyggjast leyfa fólki að skoða gosið
Hæstiréttur staðfestir vanhæfi alls Landsréttar