Zach LaVine fór fyrir sínum mönnum í Chicago Bulls í hörkuleik gegn Brooklyn Nets í NBA-deildinni í körfuknattleik í nótt.
LaVine skoraði 41 stig en það dugði þó ekki til því Brooklyn hafði að lokum betur, 115:107.
Stigaskorun dreifðist afar vel á milli leikmanna Brooklyn í leiknum í nótt. Kevin Durant var stigahæstur með 21 stig og átta stoðsendingar og næstur á eftir honum kom Joe Harris með 17 stig.
Varamannabekkurinn kom sterkur inn með gott framlag og voru alls átta leikmenn Brooklyn með 10 stig eða meira.
Alls fóru 11 leikir fram í NBA-deildinni í nótt.
Öll úrslit næturinnar:
Chicago – Brooklyn 107:115
LA Lakers – New York 101:99 (frl.)
Charlotte – Denver 112:117
Detroit – Minnesota 100:119
Boston – Miami 121:129
Toronto – LA Clippers 96:115
Indiana – Philadelphia 103:94
Memphis – Dallas 133:104
Milwaukee – Orlando 114:102
Golden State – Phoenix 122:116
Sacramento – Oklahoma 122:106