LeBron James átti sannkallaðan stórleik fyrir Los Angeles Lakers þegar liðið tók á móti Houton Rockets í bandarísku NBA-deildinni í körfuknattleik í nótt.
James skoraði 48 stig, tók átta fráköst og gaf níu stoðsendingar en leiknum lauk með naumum sigri Lakers, 140:132.
Russell Westbrook fór einnig mikinn fyrir Lakers, skoraði 24 stig en Alperen Sengun var stigahæstur í liði Houston með 33 stig og 15 fráköst.
Þrátt fyrir sigurinn er Lakers í þrettánda sæti vesturdeildarinnar en þó einungis einum sigri frá sæti í úrslitakeppninni.
Úrslit næturinnar í NBA:
LA Lakers – Houston 140:132
Memphis – Phoenix 136:106
Minnesota – Utah 125:126
Atlanta – Miami 121:113
Cleceland – New Orleans 113:103
New York – Toronto 121:123 - framlengt
Washington – Golden State 118:127
Milwaukee – Indiana 132:119